خليني أحير وياك

خليني أحير وياك خليني
شسولف وانت يمي
وانه حاير بيك
بعد خليني أحير وياك خليني
خليني اعترفلك
واليحب مجبور
اضيعن بيك اريد ولا تدليني
شفتك قلبي ما شفتك انه بعين
لان طبعك شمس ما تحملك عيني
ما تقدر تعوفك
موتتني الروح
واذا اردها على دربك هم تمشيني
تسودن كلشي بيه
وظل يسولف بيك
وانه وياك اظل عاشق سواديني
مدري شلون اشوفك
وانت جوه الروح
واقل لروحي يمك خل توديني
نص دين البشر
لو رادوا يكملون
وانه الكلمت وياك كل ديني
تداوي الروح بيدك
بيدي أمرض الروح
حته النوب ترجع هم تداويني
يم العين اشوفك
وانت ما موجود
احسك تمشي دم بنص شراييني
واشوفك انت انه
وانه انت تصير
واذا اشتاق الك اصفن وأحاجيني

الشعر كثير حلو يسلمووووووووووووووووووووووووووووووووووووووو