ابوذياااااااااااااااااااات

عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

... ابوذياااااااااااااااااااات Icon_evil

.....

...

اسلم ماترد مالك .. عسلماي
وبيك ايدير من هجرك .. عسلماي
انشدك عن لمى اشفافك .. عسلماي ؟؟
حليب ودرته اشفافك عليه

.... ابوذياااااااااااااااااااات Icon_twisted

......

....

رماد الود على افراكه .. ولعناه
وكلبنه اشما سكن شوكه .. ولعناه
شلي ببليس اسبنه .. ولعناه
غواني الحب شله الشيطان بيه ؟؟

..... ابوذياااااااااااااااااااات Fresse

.....

....

وهذا بيت كتبته مشتركاً مع الشاعر محمد رحيمة الطائي

مشه والروح غفله .. راودتني
وعليه العين تربي .. راودتني
زليخة بوجه ثاني .. راودتني
عن نفسي وخذت ثوب العليه

...... ابوذياااااااااااااااااااات Icon_cheers

.......

.....

كصير الدرب مالك .. ماشعلني
وانا ظنتي ابجهنم .. ماشه عني
طفيت وغير شخصك .. ماشعلني
قيامه لوحدي سويت بيه

..... ابوذياااااااااااااااااااات Icon_santa

.......

.....

متى منياي يحبابي .. سنلها
ويوم البالجفه روحي .. سنلها
دويت ونار فركاكم .. سنلها
وحركت الفزعوا ايطفون بيه

..... ابوذياااااااااااااااااااات Icon_king

........

.....

شبيهك بالحواري العين .. يندار
ولجدامك فرشت الروح .. يندار
نذر عمري اعله عمرك كون .. يندار
وشكو عندك علل تندار بيه